बासरीत सूर ओतले ज्याने,
नंदनवन गोकुळी फुलवीले ज्याने,
तुजवरी छाया कृपेची धरणारा मुरारी
श्री कृष्ण "सखा" तोच आहे !
कालियाचे मर्दन केले ज्याने,
कन्साचे ताड्न केले ज्याने,
तुज वादळात सावरणारा गिरिधारी
श्री कृष्ण "सखा" तोच आहे !
तुलसिदलात स्वत:ला तोलले ज्याने,
द्रौपदिचे लज्जारक्षण केले ज्याने ,
तुज दु:खाच्या भवसागरातुन तारणारा हरी
श्री कृष्ण "सखा" तोच आहे !
कौरावांविरुद्ध पान्चजन्य फुन्कला ज्याने,
अर्जुनास गीता सांगितली ज्याने,
तुज आत्मबळ देणारा सुदर्शनधारी
श्री कृष्ण "सखा" तोच आहे !
कोणत्याही टिप्पण्या नाहीत:
टिप्पणी पोस्ट करा