तुझ्या नाजूक बाहुंची मिठी
अन् प्रेमाचा उबारा,
मोहवून जातो
मज हा पहाटवारा.
केसांमधे लहरतो,
श्वासामधे बहरतो,
बाहूत या मोहरतो
हा पहाटवारा.
अनमोल आहे,
मुक्त, अनंत आहे,
आहे सृष्टीची अमृतधारा
हा पहाटवारा.
कधी सावली प्रेमाची,
कधी उब वात्सल्याची,
कधी गोड्सा शहारा...
हा पहाटवारा.
कधी सखे तुझा हा
सुगंध घेऊन येतो.
श्वासात भरून राहतो
हा पहाटवारा.
कोणत्याही टिप्पण्या नाहीत:
टिप्पणी पोस्ट करा