कितीक प्रमाद घडले माझे
मार्ग दाखवी खरा.
आलो शरण तुला ईश्वरा...
तुझी कृपा नर जन्मी घातले,
सुख दु:खाचे दिवस दाविले.
क्रुतघ्न मी पण तुला विस्मरे,
क्षमा करी लेकरा.
आलो शरण तुला ईश्वरा...
संसाराचे पाश तोडता,
इथे मोहवी विकारवशता.
मन गुंतावे चरणी तुझीया,
लोभ सरावा पुरा.
आलो शरण तुला ईश्वरा...
उदासीनता मनास व्यापी,
रुदन येतसे पश्चातापी.
भवपन्थातुनी मला सोडवी,
करूनी अवघी त्वरा.
आलो शरण तुला ईश्वरा...
कोणत्याही टिप्पण्या नाहीत:
टिप्पणी पोस्ट करा