देव नाही दिसला मला
देवाच्या देव्हा-यात.
नाही सापडला तो
देवळाच्या गाभा-यात.
दिसला तो भाव भोळा
पाथरवटाच्या घणात.
खेळताना पाहिले मी त्याला
कुंभाराच्या मातीत.
कधी दिसला तो मला
शेतक-याच्या नांगरात,
तर कधी गुंतलेला पाहिला
विणक-याच्या मागात.
कधी शिल्पकराच्या
शिळेतुन साकार झाला,
कधी चित्रकाराने त्याला
कागदावरी चितारला.
शोधूनी श्रम क्लांत होऊनी
विसावलो असता क्षणभर
हृदयातून आली साद
असता मी "सोहम"
का शोधीसी मला जगभर?
कोणत्याही टिप्पण्या नाहीत:
टिप्पणी पोस्ट करा