...मी आहे.

मी आहे...

तू घेतलेला प्रत्येक श्वास
तू सोडलेल्या प्रत्येक
प्र:श्वासाला सांगेल ... मी आहे.
तुझ्या जीवनात आलेले
मोजके सुखाचे क्षण, तुझ्या
प्रत्येक दु:खद क्षणाला
सांगतील ...मी आहे.
मधुबनातून मरुभुमीकडे
वाहणारा वारा, तुझ्या
थकलेल्या मनाला सांगेल ...मी आहे.
तृशार्त वाटसरूंची तृषा शांत करुन
सागराकडे धाव घेणारी सरीता
तुला सांगेल ...मी आहे.
काट्यांवर चालून घायाळ
झालेल्या तुझ्या नाजूक पायांना
काटेरी सिंहासनावर पहुड्लेले
गुलाब तुला सांगेल ...मी आहे.